ബിജെപിക്ക് വൻ മുന്നേറ്റം; കോൺഗ്രസ് തെലങ്കാനയിൽ ഒതുങ്ങുന്നു

അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പില്‍ നാലിടത്ത് വോട്ടെണ്ണല്‍ പുരോഗമിക്കുമ്ബോള്‍ മധ്യപ്രദേശിലും രാജസ്ഥാനിലും ഛത്തീസ്ഗഡിലും ബിജെപി മുന്നിട്ട് നില്‍ക്കുന്നു.

തെലങ്കാനയില്‍ കോണ്‍ഗ്രസ് കേവലഭൂരിപക്ഷം ഉറപ്പാക്കി മുന്നേറുന്നു. വോട്ടെണ്ണല്‍ രാവിലെ 8 മണിക്ക് തുടങ്ങി. രാജസ്ഥാൻ, മധ്യപ്രദേശ്, ഛത്തീസ്ഗഢ്, തെലങ്കാന സംസ്ഥാനങ്ങളിലെ ജനവിധിയാണ് ഇന്ന് അറിയാനാകുക. മിസോറാമിലെ വോട്ടെണ്ണല്‍ തിങ്കളാഴ്ചത്തേക്ക് മാറ്റി.

വോട്ടെണ്ണലിന്‍റെ ആദ്യ ഫല സൂചനകള്‍ വന്നുതുടങ്ങി. മധ്യപ്രദേശില്‍ 230 സീറ്റുകളിലെയും രാജസ്ഥാനില്‍ 199 സീറ്റുകളിലെയും ഛത്തീസ്ഗഡില്‍ 90 സീറ്റുകളിലേയും തെലങ്കാനയിലെ 119 സീറ്റുകളിലെയും ഫലമാണ് ഇന്ന് അറിയാനാകുക. രാജസ്ഥാനിലും ഛത്തീസ്ഗഡിലും കോണ്‍ഗ്രസും മധ്യപ്രദേശില്‍ ബിജെപിയും തെലങ്കാനയില്‍ ബിആര്‍എസും ഭരണത്തുടര്‍ച്ച ലക്ഷ്യമിടുന്നു. എന്നാല്‍ തെലങ്കാനയിലും ഛത്തീസ്ഗഡിലും കോണ്‍ഗ്രസിനാണ് ഏക്സിറ്റ് പോളുകള്‍ മൂൻതൂക്കം നല്‍കുന്നത്. രാജസ്ഥാനിലും മധ്യപ്രദേശിലും ബിജെപിക്കും മേല്‍ക്കൈ പ്രവചിക്കുന്നു