ആദ്യമായി 55,000 കടന്ന് സ്വര്ണവില; ഒറ്റയടിക്ക് കൂടിയത് 400 രൂപ
National Desk
Posted On May 20, 2024
0
338 Views
റെക്കോര്ഡുകള് ഭേദിച്ച് മുന്നേറുന്ന സ്വര്ണവില ആദ്യമായി 55,000 കടന്നു. 400 രൂപ വര്ധിച്ചതോടെയാണ് സ്വര്ണവില പുതിയ ഉയരം കുറിച്ചത്.
55,120 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 50 രൂപയാണ് കൂടിയത്. 6890 രൂപയാണ് ഒരു ഗ്രാം സ്വര്ണത്തിന്റെ വില. മാര്ച്ച് 29ന് ആണ് സ്വര്ണവില ആദ്യമായി 50,000 കടന്നത്. കഴിഞ്ഞമാസം 19ന് 54,500 കടന്ന് സ്വര്ണവില സര്വകാല റെക്കോര്ഡിട്ട ശേഷം ഇടിയുന്ന കാഴ്ചയാണ് കണ്ടത്. എന്നാല് ഓഹരി വിപണിയിലെ ചാഞ്ചാട്ടം ഉള്പ്പെടെയുള്ള ഘടകങ്ങളെ തുടര്ന്ന് സ്വര്ണവില വീണ്ടും തിരിച്ചുകയറുകയായിരുന്നു.
