സംസ്ഥാനത്ത് വളർത്തുനായ്ക്കളെ തെരുവില്‍ തള്ളുന്നത് തടയാൻ കർശന നടപടികളോടെ നിയമ നിർമ്മാണം !

സംസ്ഥാനത്ത് വളർത്തുനായ്ക്കളെ തെരുവില്‍ തള്ളുന്നത് തടയാൻ കർശന നടപടികളോടെ നിയമ നിർമ്മാണം വരും. പിഴ ചുമത്താവുള്ള കുറ്റമാക്കി ഇതിനെ മാറ്റും. തദ്ദേശ വകുപ്പ് പ്രായോഗിക മാർഗങ്ങള്‍ ഉള്‍കൊള്ളിച്ച്‌ കരട് തയ്യാറാക്കി നിയമ വകുപ്പിന് നല്‍കും. വരുന്ന നിയമസഭാ സമ്മേളനത്തില്‍ നിയമഭേദഗതി കൊണ്ടുവന്നേക്കും എന്നാണ് സൂചന .

വീടുകള്‍ക്ക് പുറമേ വലിയ ഫാമുകളില്‍ ഉള്‍പ്പെടെ നായ്ക്കളെ വളർത്തുന്നുണ്ട്. ഫാമുകളില്‍ മാലിന്യം ഉള്‍പ്പെടെ ഭക്ഷിച്ചാണ് ഇവ വളരുന്നത്. എന്നാല്‍ നിശ്ചിതകാലം കഴിയുമ്ബോള്‍ ഇവയെ തെരുവിലേക്ക് തള്ളിവിടുന്നതായി പരിശോധനയില്‍ കണ്ടെത്തി. ഒരു ഭാഗത്ത് വന്ധ്യംകരണം നടക്കുമ്ബോഴും തെരുവ് നായ്ക്കല്‍ വൻതോതില്‍ പെരുകുന്നതിന് കാരണമിതാണ്..

വളർത്തുനായ്ക്കള്‍ക്ക് ലൈസൻസ് നിർബന്ധമാക്കാനും വർഷം തോറും പുതുക്കുന്ന വ്യവസ്ഥ കൊണ്ടുവരാനുമാണ് ആലോചന. നിലവില്‍ തെരുവ്നായ വിഷയം സുപ്രീം കോടതിയുടെ പരിഗണനയിലാണ്. കേന്ദ്രനിയമപ്രകാരം നായ്ക്കളെ കൊല്ലാൻ സാദ്ധ്യമല്ല. എ.ബി.സി നിയമത്തിനുള്ളില്‍ നിന്ന് തെരുവ്നായ്ക്കളെ നിയന്ത്രിക്കല്‍ മാത്രമേ സംസ്ഥാനങ്ങള്‍ക്ക് സാദ്ധ്യമാകൂ. നേരത്തെ മഹാരാഷ്ട്ര സർക്കാർ തെരുവ്നായയെ കൊല്ലാനുള്ള അനുമതി മുനിസിപ്പല്‍ നിയമത്തിന്റെ ഭാഗമാക്കിയെങ്കിലും സുപ്രീംകോടതി സ്റ്റേ ചെയ്തിരുന്നു. കൊല്ലാനുള്ള വഴികളൊന്നും മുന്നിലില്ലാത്ത സാഹചര്യത്തിലാണ് തെരുവ്‌നായ്ക്കളുടെ ഉറവിട നിയന്ത്രണത്തിലേക്ക് തിരിയുന്നത്.

പേവിഷ ബാധയേറ്റ നായകളെ ദയാവധത്തിന് വിധേയമാക്കാൻ സർക്കാർ ശ്രമിച്ചെങ്കിലും അത് ഹൈക്കോടതി സ്റ്റേ ചെയ്തു. പേവിഷ ബാധ എന്നതിന് പകരം ജീവന് ഭീഷണിയായ അപകടകാരികളായ നായ്ക്കളെ കൊല്ലാനുള്ള വഴിതേടാൻ സംസ്ഥാന സർക്കാർ ആലോചിക്കുന്നുണ്ട്. പേവിഷബാധ സ്ഥിരീകരിക്കുന്നതിനും കടമ്ബകളേറെയാണ്. മനുഷ്യന്റെ ജീവനും സ്വത്തിനും സംരക്ഷണം നല്‍കാൻ സംസ്ഥാന സർക്കാരില്‍ നിക്ഷിപ്തമായ അധികാരം ഉപയോഗിച്ച്‌ അപകടാരികളെ കൊല്ലാനുള്ള വഴിതേടും