മണിപ്പുർ: 5 ഭീകരർ കൂടി അറസ്റ്റിൽ

മണിപ്പുരിൽ സുരക്ഷാസേന നടത്തിയ തിരച്ചിലിൽ നിരോധിത മെയ്തെയ് ഭീകരസംഘടനകളിലെ 5 പേരെ കൂടി അറസ്റ്റ് ചെയ്തു. ഇംഫാൽ താഴ്‌വരയിലെ വിവിധ മേഖലകളിൽ ആളുകളെ ഭീഷണിപ്പെടുത്തി പണം വാങ്ങുകയായിരുന്നു ഇവർ.

നിരോധിത സംഘടനയായ യുഎൻഎൽഎഫ് ഉൾപ്പെടെ 3 സംഘടനയിൽപ്പെട്ടവരാണ് അറസ്റ്റിലായവർ. സംസ്ഥാനത്തെ 5 ജില്ലകളിൽ കരസേനയും അസം റൈഫിൾസും സംയുക്തമായി നടത്തിയ തിരച്ചിലിൽ യന്ത്രത്തോക്കുകൾ ഉൾപ്പെടെ 32 ആയുധങ്ങൾ കണ്ടെടുത്തു.