സിഗ്നൽ തകരാറ് മൂലം ട്രെയിനുകൾ വൈകിയോടുന്നു

എറണാകുളത്ത് സിഗ്നൽ തകരാറിലായതിനെ തുടർന്ന് ട്രെയിൻ ഗതാഗതം അവതാളത്തിൽ. വെള്ളക്കെട്ടിനെ തുടർന്നാണ് സിഗ്നൽ തകരാറിലായത്. വൈകിയാണ് മിക്ക ട്രെയിനുകളും ഓടുന്നത്. ചില ട്രെയിനുകൾ മണിക്കൂറുകളോളം പിടിച്ചിട്ടു. എറണാകുളം നോർത്ത് റെയിൽവേ സ്റ്റേഷനിൽ നിന്നും രാവിലെ 9.45 ന് വിടേണ്ട ജനശതാബ്ദി എക്സ്പ്രസ്സ് മണിക്കൂറുകളോളം പിടിച്ചിട്ടു.

ആലപ്പുഴ എക്സിക്യൂട്ടീവ് എക്സ്പ്രസ്സ് ഇടപ്പള്ളിയിലും നിർത്തിയിട്ടു. നിസാമുദിൻ മംഗള എക്സ്പ്രസ്സ് നോർത്ത് റെയിൽവേസ്റ്റേഷനിൽ യാത്ര അവസാനിപ്പിച്ചു. കണ്ണൂർ ജനശതാബ്ദിയും പരശുറാമും വൈകിയോടുന്നു. സിഗ്നൽ തകരാറിനെ തുടർന്ന് ചില ട്രെയിനുകളുടെ സർവീസ് പുനഃക്രമീകരിച്ചതായി റെയിൽവേ അറിയിച്ചു. കൊല്ലം – എറണാകുളം മെമു തൃപ്പൂണിത്തുറയിൽ യാത്ര അവസാനിപ്പിച്ചു. മംഗള നോർത്തിൽ സർവീസ് നിർത്തും.

Content highlights – trains delayed, ernakulam, railway