ഗായിക നഞ്ചിയമ്മയെ മുഖ്യമന്ത്രി പിണറായി വിജയൻ ആദരിക്കും

ഇന്ന് തിരുവനന്തപുരം അയ്യങ്കാളി ഹാളിൽ അന്താരാഷ്ട്ര ആദിവാസി ദിനം ആചരിക്കും. വൈകീട്ട് അഞ്ചിന് നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ ദേശീയ അവാർഡ് ജേതാവായ ഗായിക നഞ്ചിയമ്മയെ ആദരിക്കും. മുഖ്യമന്ത്രി പരിപാടി ഉദ്ഘാടനം ചെയ്യും. അധ്യക്ഷത മന്ത്രി കെ.രാധാകൃഷ്ണൻ വഹിക്കും.മറയൂർ ജഗദീഷും സംഘവും അവതരിപ്പിക്കുന്ന നാടൻപാട്ടുകൾ, മലപ്പുലയാട്ടം തുടങ്ങിയ സാംസ്കാരിക പരിപാടികളും അവതരിപ്പിക്കും.

സച്ചി സാറിനാണ് അവാർഡ് കിട്ടിയതിൽ നന്ദി പറയേണ്ടതെന്നാണ് നഞ്ചിയമ്മ പ്രതികരിച്ചത്. ഞാൻ ഇതുവരെ അദ്ദേഹം കാരണമാണ് എത്തിയത്. പല ജോലികൾ ചെയ്‌ത്‌ കഷ്ടപ്പെടുന്ന സമയത്താണ് സച്ചി സാർ എന്നെ കണ്ടതും സിനിമയിലേക്ക് ക്ഷണിച്ചതും. അദേഹത്തിനെ ജീവിതത്തിൽ മറക്കില്ല. അവാർഡ് ലഭിച്ചതിൽ സന്തോഷമെന്നും നഞ്ചിയമ്മ പറഞ്ഞു.

Content Highlights – Kerala Chief Minister Pinarayi Vijayan, Singer Nanjiyamma