ജോർദാൻ രാജകുമാരൻ വിവാഹിതനാകുന്നു

ജോർദാൻ രാജകുമാരൻ ഹുസൈൻ ബിൻ അബ്ദുല്ല വിവാഹിതനാകുന്നു. രജ്വ അൽ സെയ്ഫ് ആണ് വധു. ഇക്കാര്യം ജോർദാൻ രാജ്ഞി റാനിയ അൽ അബ്ദുല്ലയാണ് ട്വിറ്ററിലൂടെ അറിയിച്ചത്.

സൗദി അറേബ്യയിലെ റിയാദിലെ വധുവിന്റെ വസതിയിലായിരുന്നു ചടങ്ങുകൾ നടന്നത്. ‘ഇത്രയധികം സന്തോഷം ഉള്ളിലൊതുക്കാൻ സാധിക്കുമെന്ന് വിചാരിച്ചില്ല. എന്റെ മൂത്ത പുത്രൻ ഹുസൈൻ രാജകുമാരനും സുന്ദരിയായ വധു രജ്വക്കും ആശംസകൾ’- ജോർദാൻ രാജ്ഞിയുടെ ട്വീറ്റ് ഇങ്ങനെ.

ഹുസൈൻ രാജകുമാരൻ ബ്രിട്ടീഷ് മിലിട്ടറി അക്കാദമിയിൽ നിന്ന് ബിരുദം നേടിയ വ്യക്തിയാണ്. നിലവിൽ ജോർദാനിയൻ സൈന്യത്തിൽ ക്യാപ്റ്റൻ പദവി വഹിക്കുന്നു. ജോർദാൻ രാജകുമാരി ഇമാന്റെ വിവാഹ നിശ്ചയം കഴിഞ്ഞ മാസമാണ് നടന്നത്. വരൻ മീൻ അലക്‌സാണ്ടർ തെർമിയോറ്റിസാണ്.

Content highlights – Jordan, Prince, Engaged