ഓടിക്കൊണ്ടിരുന്ന കാറിന് തീപിടിച്ചു; യാത്രികന് ഗുരുതര പരുക്ക്

കോട്ടയം പാണ്ടൻചിറയില്‍ ഓടിക്കൊണ്ടിരുന്ന കാറിന് തീപിടിച്ച്‌ ഒരാള്‍ക്ക് ഗുരുതരമായി പരുക്കേറ്റു. മുണ്ടക്കയം ചോറ്റി സ്വദേശി വാകത്താനം ഓട്ടക്കുന്ന് വീട്ടില്‍ സാബുവിനാണ് പൊള്ളലേറ്റത്.

യാത്ര കഴിഞ്ഞ് വീടിന് സമീപമെത്തിയപ്പോള്‍ കാറിന് വലിയ ശബ്ദത്തോടെ തീപിടിക്കുകയായിരുന്നു. വീടിന്റെ എകദേശം 20 മീറ്റര്‍ അകലെ വച്ചാണ് അപകടം ഉണ്ടായത്. കാറില്‍ സാബു മാത്രമേ ഉണ്ടായിരുന്നുള്ളൂ. അപകട കാരണം വ്യക്തമല്ല. ചങ്ങനാശ്ശേരിയില്‍ നിന്നെത്തിയ അഗ്നിരക്ഷ സേന തീയണച്ച്‌ സാബുവിനെ പുറത്തെടുക്കുകയായിരുന്നു. കാര്‍ പൂര്‍ണമായും കത്തിനശിച്ചു. സാബുവിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.