അഖിലേന്ത്യ വനിതാ വോളിബോളില്‍ കോട്ടയം എംജി സര്‍വകലാശാല ജേതാക്കള്‍
National Desk
Posted On January 14, 2024
അഖിലേന്ത്യ അന്തര്‍സര്‍വകലാശാലാ വനിതാ വോളിബോൾ ചാമ്പ്യൻഷിപ്പിൽ കോട്ടയം എംജി സര്‍വകലാശാല ജേതാക്കളായി. അഞ്ച്‌ സെറ്റ്‌ നീണ്ടുനിന്ന പോരാട്ടത്തില്‍ കൊല്‍ക്കത്തയിലെ അഡമാസ്‌ സര്‍വകലാശാലയെ തോല്‍പ്പിച്ചാണ് എംജി യൂണിവേഴ്സിറ്റി കിരീടം ഉയർത്തിയത്.
സ്‌കോര്‍: 25-12, 20-25, 25-23, 19-25, 15-9.
നിലവിലെ ജേതാക്കളായ ചെന്നൈ എസ്‌ആര്‍എം സര്‍വകലാശാലയെ പരാജയപ്പെടുത്തിയാണ് എംജി സര്‍വകലാശാല ടീം സെമിയില്‍ കടന്നത്. കഴിഞ്ഞവര്‍ഷത്തെ രണ്ടാംസ്ഥാനക്കാരായ പട്യാല പഞ്ചാബി സര്‍വകലാശാലയെ തോല്‍പ്പിച്ചാണ് ടീം ഫൈനലിൽ എത്തിയത്. 2017നുശേഷമുള്ള എംജി യുടെ ആദ്യ കിരീടമാണിത്.
നിവേദിത ജയൻ, അനീറ്റ ആന്റണി, രഞ്ചു ജേക്കബ്, റോളി പതക്, അനന്യ ശ്രീ, കെ വിഭ, എസ്‌ ആര്യ, അഞ്ജന, കെ ആര്യ, അല്‍ന രാജ്, എയ്ഞ്ചല്‍ തോമസ്, സ്നേഹ എന്നിവരാണ് ടീം അംഗങ്ങള്‍. വി അനില്‍കുമാര്‍ മുഖ്യപരിശീലകനും നവാസ് വഹാബ് സഹപരിശീലകനും ആണ്. സുജാമേരി ജോര്‍ജ്ജ്. ഡോക്റ്റർ ജിമ്മി ജോസഫ് എന്നിവരാണ് മാനേജര്‍മാര്‍.
