സ്വര്‍ണവും 45 ലക്ഷം രൂപയും തട്ടിയെടുത്ത പാസ്റ്റര്‍ നമ്പൂതിരി അറസ്റ്റില്‍
National Desk
Posted On October 10, 2025
45ലക്ഷവും പണവും തട്ടിയെടുത്ത് ഒളിവിലായിരുന്ന പാസ്റ്റര്‍ കൊല്ലത്ത് അറസ്റ്റിലായി. ‘പാസ്റ്റര്‍ നമ്പൂതിരി’ എന്ന് അറിയപ്പെടുന്ന കോട്ടയം നാട്ടകം മുളങ്കുഴ ജോസ് ആര്‍ക്കേഡില്‍ ടി പി ഹരിപ്രസാദിനെയാണ് പൊലിസ് അറസ്റ്റ് ചെയ്തത്. കൊല്ലത്തെ ഇയാളുടെ ഫ്‌ളാറ്റില്‍ നിന്നാണ് അറസ്റ്റ്
മണര്‍ക്കാട് സ്വദേശിയായ യുവതിയുടെ സ്വര്‍ണവും പണവുമാണ് ഹരിപ്രസാദ് തട്ടിയെടുത്തത്. ശേഷം കോട്ടയം കുറുമ്പനാടം സ്വദേശിയായ യുവതിക്കൊപ്പം തമിഴ്‌നാട്, ബെംഗളൂരു, കേരളത്തിലെ മറ്റു ജില്ലകളിലായി എട്ടുമാസമായി ഒളിവിലായിരുന്നു.കേരള റിയൽ എസ്റ്റേറ്റ്
പിടിയിലായ ഹരിപ്രസാദ് 2023 മുതല്‍ കോട്ടയം മുളങ്കുഴ കേന്ദ്രമാക്കി പെന്തക്കോസ്ത് മിഷന്‍ ഓഫ് ഇന്ത്യ എന്ന പേരിലൊരു പ്രാര്‍ത്ഥനാ സ്ഥാപനം നടത്തിയിരുന്നു. ഈ സ്ഥാപനത്തിലെ ദാനധര്‍മ്മങ്ങളുടെ മറവില്‍ നിരവധി ആളുകളുടെ സ്വര്‍ണവും പണവും തട്ടിയെടുത്തിട്ടുണ്ടെന്നും പൊലിസ് കണ്ടെത്തി.
