ആണവ ശാസ്ത്രജ്ഞനും ഇടതു ചിന്തകനുമായ ഡോ. എംപി പരമേശ്വരന് അന്തരിച്ചു. രണ്ടു ദിവസം മുമ്പാണ് തൊണ്ണൂറ്റി രണ്ടാം പിറന്നാള് ആഘോഷിച്ചത്. തൃശൂരിലെ വസതിയില് ഇന്ന് ഉച്ചയ്ക്കായിരുന്നു അന്ത്യം.
ശാസ്ത്ര പ്രചാരകനും വൈജ്ഞാനിക എഴുത്തുകാരനുമായ ഡോ. എംപി പരമേശ്വരന് കേരള സാഹിത്യ അക്കാദമി സമഗ്ര സംഭാവനയ്ക്കുള്ള പുരസ്കാരം നല്കി ആദരിച്ചിട്ടുണ്ട്. പരിസ്ഥിതി, മാലിന്യ സംസ്കരണം തുടങ്ങിയ വിഷയങ്ങളില് ശ്രദ്ധേയ പഠനങ്ങള് പ്രസിദ്ധീകരിച്ചിട്ടുണ്ട്.
തൃശൂര് ജില്ലയിലെ കിരാലൂരില് 1935ലാണ് എംപി പരമേശ്വരന്റെ ജനനം. തിരുവനന്തപുരം എന്ജിനിയറിങ് കോളജ്, മോസ്കോ പവര് ഇന്സ്റ്റിറ്റ്യൂട്ട് എന്നിവിടങ്ങളില് ഉന്നത പഠനം പൂര്ത്തിയാക്കി. 1957 മുതല് 1975 വരെ ഭാഭ ആറ്റോമിക് റിസര്ച്ച് സെന്ററില് ശാസ്ത്രജ്ഞനായിരുന്നു.
ശാസ്ത്ര സാഹിത്യ പരിഷത്തിന്റെ നേതൃനിരയില് പ്രവര്ത്തിച്ച എംപി പരമേശ്വരന് അറിയപ്പെടുന്ന ഇടതു ചിന്തകനുമായിരുന്നു. മലയാളത്തിലും ഇംഗ്ലീഷിലുമായി ഒട്ടേറെ പുസ്തകങ്ങള് രചിച്ചിട്ടുണ്ട്. പരിഭാഷകളും നിര്വഹിച്ചിട്ടുണ്ട്. 1982ല് ബാലസാഹിത്യത്തിനുള്ള പുരസ്കാരം ലഭിച്ചു. എകെജിയെക്കുറിച്ചുള്ള സിനിമയില് ഇഎംഎസിന്റെ വേഷം ചെയ്തു.
Trending Now
You may also like
