ലോറിയും ബസുകളും കൂട്ടിയിടിച്ചു: നാല് മരണം, ഇരുപതിലധികം പേര്‍ക്ക് പരിക്ക്

തമിഴ്നാട്ടില്‍ ചെന്നൈയ്ക്ക് സമീപം ചെങ്കല്‍പ്പേട്ടില്‍ വാഹനാപകടത്തില്‍ നാല് പേർ മരിച്ചു. പാലമാത്തൂരില്‍ പുലർച്ചെ ലോറിയും ബസുകളും കൂട്ടിയിടിച്ച്‌ ആണ് അപകടമുണ്ടായത്.

ചെന്നൈയിലേക്ക് വരികയായിരുന്ന സ്വകാര്യ ബസാണ് ലോറിയുമായി കൂട്ടിയിടിച്ചത്. തുടർന്ന് പിന്നില്‍ വന്നിരുന്ന സർക്കാർ ബസും സ്വകാര്യ ബസില്‍ ഇടിച്ച്‌ കയറി. അപകടത്തില്‍ ഇരുപതിലധികം പേർക്ക് പരിക്കേറ്റു. ഗുരുതരമായി പരിക്കേറ്റവരെ ചെങ്കല്‍പേട്ട് സർക്കാർ ആശുപത്രിയിലേക്ക് മാറ്റിയിട്ടുണ്ട്.