ഇടുക്കിയില് ജീപ്പ് അപകടം; ഒളിംപ്യന് ബീന മോളുടെ സഹോദരിയടക്കം മൂന്ന് മരണം
National Desk
Posted On February 22, 2025
0
274 Views
പന്നിയാര്കുട്ടിയില് ജീപ്പ് കൊക്കയിലേക്ക് മറിഞ്ഞുണ്ടായ അപകടത്തില് മരണം മൂന്നായി. ചികിത്സയിലായിരുന്ന എബ്രഹാമാണ്(50) മരിച്ചത്. ഇന്നലെ രാത്രിയുണ്ടായ അപകടത്തില് പന്നിയാര്കുട്ടി ഇടയോടിയില് ബോസ്, ഭാര്യ റീന എന്നിവരാണ് മരിച്ചത്. നിയന്ത്രണം നഷ്ടപ്പെട്ട വാഹനം കൊക്കയിലേക്ക് മറിയുകയായിരുന്നു.
ബോസും റീനയും സംഭവസ്ഥലത്ത് തന്നെ മരിച്ചിരുന്നു. മൃതദേഹങ്ങള് അടിമാലി ആശുപത്രിയിലേക്ക് മാറ്റി. അപകടത്തിന്റെ ശബ്ദം കേട്ട നാട്ടുകാര് വിവരം അറിയിച്ചതിനെത്തുടര്ന്ന് പൊലീസും ഫയര് ഫോഴ്സും ചേര്ന്നാണ് രക്ഷാപ്രവര്ത്തനം നടത്തിയത്.
