ആന്ധ്രയില്‍ വൈഎസ്‌ആര്‍സിപി നേതാവിനെ നടുറോഡില്‍ വെട്ടിക്കൊന്നു

ആന്ധപ്രദേശില്‍ വൈഎസ്‌ആര്‍സിപി നേതാവിനെ നടുറോഡില്‍ വെട്ടിക്കൊന്നു. സംസ്ഥാനത്തെ പാല്‍നാഡു ജില്ലയിലാണ് പാര്‍ട്ടി യൂത്ത് വിംഗ് നേതാവിനെ കൊലപ്പെടുത്തിയത്.

രാത്രി 8.30ന് തിരക്കുള്ള റോഡിലാണ് സംഭവം നടന്നത്. തൊട്ടടുത്തുള്ള ക്യാമറയില്‍ ഈ ദൃശ്യങ്ങള്‍ പതിയുകയും ചെയ്തു.

ഷെയ്ക്ക് ജിലാനി എന്നയാളാണ് വൈഎസ്‌ആര്‍സിപി യുവ നേതാവ് ഷെയ്ക്ക് റാഷിദിനെ കൊലപ്പെടുത്തിയത്. ആദ്യം റാഷിദിന്റെ കൈകള്‍ രണ്ടും വെട്ടിയതിന് ശേഷം കഴുത്തില്‍ വെട്ടിയാണ് ജിലാനി കൊല നടത്തിയതെന്ന് ദൃക്‌സാക്ഷികള്‍ പറയുന്നു.