മാരാമൺ കൺവെൻഷന് ഇന്ന് തുടക്കം; സ്പെഷ്യൽ സർവീസുമായി കെഎസ്ആർടിസി

മാരാമൺ കൺവെൻഷന് ഇന്ന് തുടക്കം. 130-ാമത് കൺവെൻഷനാണ് പമ്പ മാരാമൺ​ മണൽപ്പുറത്ത് നടക്കുക. ഇന്ന് ഉച്ചയ്ക്ക് ശേഷം 2.30ന് ഡോ തിയഡോഷ്യസ് മാർത്തോമ്മ മെത്രാപ്പൊലീത്ത ഉദ്ഘാടനം നി​ർവഹി​ക്കും. സുവിശേഷ പ്രസംഗ സംഘം പ്രസിഡന്റ് ഡോ ഐസക് മാർ പീലക്സിനോസ് അധ്യക്ഷനായി​രി​ക്കും.

ഒരു ലക്ഷം പേർക്കിരിക്കാവുന്ന പരമ്പരാഗത രീതിയിലുള്ള ഓലപ്പന്തലും കൺവെൻഷനായി ഒരുക്കിയിട്ടുണ്ട്. കൺവെൻഷന് എത്തുന്നവർക്കായി കെഎസ്ആർടിസി സമീപ ബസ് സ്റ്റാൻഡുകളിൽ നിന്ന് സ്പെഷ്യൽ സർവീസ് നടത്തുന്നുണ്ട്.