വീടുകയറി ആക്രമണം; സീരിയല്‍ നടി അശ്വതി ബാബുവും ഭര്‍ത്താവ് നൗഫലും അറസ്റ്റില്‍

വീടു കയറി ആക്രമിച്ചെന്ന പരാതിയില്‍ നടി അശ്വതി ബാബുവും ഭര്‍ത്താവ് നൗഫലും അറസ്റ്റില്‍. ഞാറയ്ക്കല്‍ പോലീസാണ് ഇവരെ അറസ്റ്റ് ചെയ്തത്. നായരമ്പലം സ്വദേശി കിഷോറിനെയും അമ്മയെയും വീടുകയറി ആക്രമിച്ചെന്ന പരാതിയിലാണ് അറസ്റ്റ്.

സാമ്പത്തിക തര്‍ക്കമാണ് ആക്രമണത്തിന് കാരണമെന്നാണ് വിവരം. ഭവനഭേദനം, പൊതുസ്ഥലത്ത് അസഭ്യം പറയല്‍, ആയുധം ഉപയോഗിച്ചുള്ള ആക്രമണം തുടങ്ങിയ കുറ്റങ്ങള്‍ക്കുള്ള വകുപ്പുകള്‍ ഇവര്‍ക്കെതിരേ ചുമത്തിയിട്ടുണ്ട്.

2018ല്‍ എംഡിഎംഎ കേസില്‍ അറസ്റ്റിലായിട്ടുള്ള അശ്വതി ബാബു ഏതാനും ദിവസങ്ങള്‍ക്ക് മുന്‍പാണ് നൗഫലിനെ വിവാഹം കഴിച്ചത്. ഇവരെ കോടതിയില്‍ ഹാജരാക്കും.