മോശം കാലാവസ്ഥ: കരിപ്പൂരില്‍ നിന്നുള്ള മൂന്ന് വിമാനങ്ങള്‍ റദ്ദാക്കി

മോശം കാലാവസ്ഥ തുടരുന്ന സാഹചര്യത്തില്‍ കരിപ്പൂരില്‍ നിന്നു ഗള്‍ഫിലേക്കുള്ള മൂന്ന് എയർ ഇന്ത്യ എക്സ്പ്രസ് വിമാനങ്ങള്‍ റദ്ദാക്കി.

വ്യാഴാഴ്ച രാത്രി 8.25ന് കരിപ്പൂരില്‍ നിന്ന് റിയാദിലേക്കുള്ള സർവീസും രാത്രി 10.05ന് കരിപ്പൂരില്‍ നിന്ന് അബുദാബിയിലേക്കുള്ള സർവീസും രാത്രി 11.10ന് മസ്കറ്റിലേക്കുള്ള സർവീസുമാണ് റദ്ദാക്കിയത്. കാലാവസ്ഥ മോശമായതിനെത്തുടർന്ന് മംഗളൂരുവില്‍ ലാന്‍ഡ് ചെയ്ത ദോഹ – കോഴിക്കോട് വിമാനം കോഴിക്കോട്ടേക്ക് പുറപ്പെട്ടു.

കനത്ത മഴ മൂലം വിമാനങ്ങള്‍ വഴിതിരിച്ചു വിടുന്നതാണ് പ്രതിസന്ധിക്ക് കാരണം. കരിപ്പൂരില്‍ നിന്ന് അബുദാബി, മസ്കറ്റ് എന്നിവിടങ്ങളിലേക്ക് ബുധനാഴ്ച രാത്രി പുറപ്പെടേണ്ടിയിരുന്ന വിമാനങ്ങള്‍ മണിക്കൂറുകളോളം വൈകിയിരുന്നു.