ഇന്നലെ കയറിയത് പോലെ ഇന്ന് തിരിച്ചിറങ്ങി; സ്വർണവിലയിൽ നേരിയ കുറവ്

സംസ്ഥാനത്ത് ഇന്ന് സ്വർണവിലയിൽ നേരിയ കുറവ് രേഖപ്പെടുത്തി. 22 കാരറ്റ് സ്വർണത്തിന് ഒരു ഗ്രാമിന് 15 രൂപ കുറഞ്ഞ് 13,995 രൂപയിലും പവന് 120 രൂപ കുറഞ്ഞ് 1,11,960 രൂപയിലുമാണ് നിലവിൽ വ്യാപാരം നടക്കുന്നത്. കഴിഞ്ഞ ദിവസം ഗ്രാമിന് 15 രൂപയും പവന് 120 രൂപയും വർധിച്ചിരുന്നു. അതാണ് ഇന്ന് തിരിച്ചിറങ്ങിയത്.

മെയ് 13 മുതൽ പ്രാബല്യത്തിൽ വന്ന ഉയർന്ന ഇറക്കുമതി തീരുവ ആഭ്യന്തര വിപണിയിൽ സ്വർണ്ണവില 9 ശതമാനത്തോളം ഉയരാൻ കാരണമായി. ഇത് സാധാരണക്കാരുടെ സ്വർണ്ണ ഉപഭോഗത്തിൽ ശാശ്വതമായ കുറവുണ്ടാക്കിയേക്കാം. ആഗോള-ആഭ്യന്തര വിപണിയിൽ സ്വർണ്ണവിലയിലുണ്ടായ സ്ഥിരത നിക്ഷേപം എന്ന നിലയിലുള്ള ആകർഷണീയത കുറച്ചു. ഗോൾഡ് ഇടിഎഫുകളിലേക്കുള്ള (Gold ETF) പണമൊഴുക്കിലെ ഇടിവ് ഇതിന്റെ പ്രതിഫലനമാണ്.