ഗൂഗിൾ പേയിൽ പണം അയച്ചത് മാറിപ്പോയോ പേടിക്കേണ്ട പരിഹാരമുണ്ട്
National Desk
Posted On February 7, 2025
ദിനം പ്രതി വികസിക്കുകയാണ് ഡിജിറ്റൽ രംഗം .ഈ കുതിപ്പ് എല്ലാ അർത്ഥത്തിലും ലോകമെമ്പാടുമുള്ളവർ ഉപയോഗിച്ചും തുടങ്ങി .സാമ്പത്തികരംഗത്തും വലിയ കുതിച്ചു ചാട്ടമാണ് സംഭവിച്ചു കൊണ്ടിരിക്കുന്നത്. അതിനുള്ള ഏറ്റവും വലിയ തെളിവാണ് യുപിഐ പേമെന്റ് സംവിധാനം.നാട്ടിലെ ചെറിയ കടകളില്‍ വരെ ഈ സൗകര്യം നിലവില്‍ വന്നു കഴിഞ്ഞു.ഇത് ചെറിയ ഇടാപാടുകള്‍ വരെ എളുപ്പമാക്കി.
മുൻപ് ബാങ്കില്‍ പോയി ചെയ്യേണ്ടിയിരുന്ന കാര്യങ്ങള്‍പോലും ഇന്ന് ഫോണില്‍ തന്നെ ചെയ്യാമെന്നതും ആളുകളെ യുപിഐ ആപ്പുകളിലേക്ക് എളുപ്പത്തില്‍ അടുപ്പിച്ചു. അത്തരത്തില്‍ നിരവധിയാളുകള്‍ ഉപയോഗിക്കുന്ന ഒരു ആപ്ലിക്കേഷനാണ് ഗുഗിള്‍ പേ. എന്നാല്‍, ഗൂഗിള്‍ പേയിലും തെറ്റായ ഇടാപടുകള്‍ നടക്കാനുള്ള സാധ്യത കൂടുതലാണ്. പണം തെറ്റായി അക്കൗണ്ടിലേക്ക് പോയാല്‍ എങ്ങനെ തിരിച്ച്‌ നേടാമെന്നത് ഏതൊരാളും ചിന്തിക്കുന്ന കാര്യമാണ്.അതിനുള്ള കാര്യങ്ങൾ ആണ് ഇനി പറയുന്നത്.
പണം ഉദ്ദേശിച്ച അക്കൗണ്ടിലേക്കല്ല അയച്ചതെങ്കില്‍ ഉടനടി ചെയ്യാൻ പറ്റുന്ന കാര്യം പണം എത്തിയ അക്കൗണ്ട് ഉടമയുമായി ബന്ധപ്പെടുകയെന്നതാണ്. പ്രത്യേകിച്ച്‌ നിങ്ങള്‍ക്ക് അറിയാവുന്ന ആളുകള്‍ തന്നെയാണെങ്കില്‍. അവരോട് പണം തിരികെ നല്‍കാൻ ആവശ്യപ്പെടുന്നതാണ് ഏറ്റവും എളുപ്പ മാർഗം. അതേസമയം അപരിചിതനാണെങ്കില്‍ തെറ്റ് വിശദീകരിച്ച്‌ മാന്യമായ രീതിയില്‍ പണം തിരികെയിടാൻ ആവശ്യപ്പെടാം.ഇനി ഇത്തരത്തിൽ സംസാരിച്ചിട്ടും പണം തിരികെ കിട്ടിയില്ലെങ്കിലോ അപ്പോൾ എന്താണ് പണം തിരികെ കിട്ടാനുള്ള വഴി.
വാങ്ങിനെ വരുംവബോൾ ഗൂഗിള്‍ പേ കസ്റ്റമർ സപ്പോർട്ട് സംവിധാനവും പ്രയോജനപ്പെടുത്താവുന്നതാണ്. പണം എത്തിയ അക്കൗണ്ട് ഉടമ പ്രതികരിക്കാതിരിക്കുകയോ പണം തിരികെ നല്‍കാൻ വിസമ്മതിക്കുകയോ ചെയ്താല്‍ ഗൂഗിള്‍ പേ കസ്റ്റമർ സർവീസില്‍ 1800-419-0157 എന്ന നമ്ബരിലേക്ക് ബന്ധപ്പെടാം.
അതിനായി ട്രാൻസാക്ഷൻ ഐഡി,പണം അയച്ച ഡീറ്റെയിൽസ് അതായത് പണം അയച്ച ദിവസവും സമയവും, അയച്ച പണം, പണം എത്തിയ ആളുടെ യുപിഐ ഐഡി എന്നിവ അവരുമായി പങ്കുവെക്കേണ്ടി വരും. അവർക്ക് നിങ്ങളെ സഹായിക്കാൻ സാധിക്കും, പ്രത്യേകിച്ച്‌ അക്കൗണ്ട് ഉടമ പ്രതികരിക്കാത്ത സാഹചര്യത്തില്‍.
ഗുഗിള്‍ പേയ്ക്ക് പ്രശ്നം പരിഹരിക്കാൻ സാധിക്കുന്നില്ലെങ്കില്‍ NPCI യില്‍ പരാതിപ്പെടാം. എൻപിസിഐ എന്നാല്‍ നാഷ്ണല്‍ പേമെന്റ്സ് കോർപ്പറേഷൻ ഓഫ് ഇന്ത്യ. യുപിഐ ഇടപാടുകളുമായി ബന്ധപ്പെട്ട കാര്യങ്ങള്‍ കൈകാര്യം ചെയ്യുന്ന കോർപ്പറേഷനാണിത്. നമ്മുടെ പ്രശ്നങ്ങള്‍ക്ക് ഔദ്യോഗിക പരിഹാരം കണ്ടെത്താൻ ഇതിലൂടെ സാധിക്കും.
ആർബിഐ മാർഗ്ഗനിർദ്ദേശങ്ങള്‍ അനുസരിച്ച്‌, തെറ്റായി ട്രാൻസ്ഫർ ചെയ്ത ഫണ്ടുകള്‍ 24 മുതല്‍ 48 മണിക്കൂറിനുള്ളില്‍ റീഫണ്ട് ചെയ്യണം. രണ്ട് അക്കൗണ്ടുകളും ഒരേ ബാങ്കിലാണെങ്കില്‍, പ്രക്രിയ സാധാരണയായി വേഗത്തിലായിരിക്കും. വിവിധ ബാങ്കുകള്‍ക്കിടയിലായിരുന്നു കൈമാറ്റം എങ്കില്‍, അതിന് കൂടുതല്‍ സമയമെടുത്തേക്കാം.
എന്നാൽ ഇതൊക്കെ സാധ്യമാകും എന്നിരുന്നാലും ഏറ്റവും നല്ലത് ഓൺലൈൻ ഇടപാടുകൾ നടത്തുമ്പോൾ വളരെ അധികം ശ്രദ്ധിക്കുക എന്നത് തന്നെയാണ് .ഗൂഗിള്‍ പേ ഉപയോഗിക്കുമ്ബോള്‍ തെറ്റുകള്‍ ഒഴിവാക്കാൻ, പിശകുകളില്ലാത്ത ഇടപാടുകള്‍ ഉറപ്പാക്കാൻ ചില കാര്യങ്ങള്‍ പരിഗണിക്കാം.
പണം അയക്കുന്നതിന് മുമ്ബ് സ്വീകർത്താവിന്റെ യുപിഐ ഐഡിയോ ഫോണ്‍ നമ്ബറോ എപ്പോഴും രണ്ടുതവണ പരിശോധിക്കുക, സാധ്യമാകുമ്ബോഴെല്ലാം വിശദാംശങ്ങള്‍ നേരിട്ട് നല്‍കുന്നതിന് പകരം ക്യുആർ കോഡ് പേയ്‌മെന്റുകള്‍ ഉപയോഗിക്കുക. ഏറ്റവും പുതിയ NPCI മാർഗ്ഗനിർദ്ദേശങ്ങള്‍ പാലിക്കുന്നതിന് നിങ്ങളുടെ യുപിഐ ഐഡി പതിവായി പരിശോധിച്ചുറപ്പിക്കുക.
ആദ്യമായി ഒരു പുതിയ കോണ്‍ടാക്‌റ്റിലേക്ക് പണം കൈമാറുമ്ബോള്‍, വിശദാംശങ്ങള്‍ സ്ഥിരീകരിക്കുന്നതിന് ഒരു ചെറിയ ടെസ്റ്റ് തുക അയയ്ക്കുന്നത് പരിഗണിക്കുക. ഡിജിറ്റല്‍ പേയ്‌മെന്റുകള്‍ വേഗത്തിലും സൗകര്യപ്രദമാണെങ്കിലും, പിശകുകള്‍ സംഭവിക്കാം. തെറ്റായ ഇടപാടില്‍ നിന്ന് പണം എങ്ങനെ വീണ്ടെടുക്കാമെന്ന് അറിയുന്നത് അബദ്ധം സംഭവിക്കുമ്പോളുള്ള സമ്മർദ്ദം ഒഴിവാക്കും, കൂടാതെ യുപിഐ ചട്ടങ്ങളിലെ മാറ്റങ്ങളെക്കുറിച്ച്‌ അപ്‌ഡേറ്റ് ചെയ്യുന്നത് പ്രശ്‌നങ്ങള്‍ പൂർണ്ണമായും ഒഴിവാക്കാൻ നമ്മളെ സഹായിക്കും.
