രാഹുൽ മാങ്കൂട്ടത്തിലിനെ വെള്ളപൂശുന്ന ഫേസ്ബുക്ക് പോസ്റ്റ്; ഇനിയും ആരോപണങ്ങൾ ഉന്നയിച്ചാൽ ആ പെൺകുട്ടിയുടെ സർവ ഫോട്ടോയും സോഷ്യൽ മീഡിയയിൽ പബ്ലിഷ് ചെയ്യുമെന്ന് ഭീഷണി

രാഹുൽ മാങ്കൂട്ടത്തിനെതിരേ ഉയർന്ന ആരോപണങ്ങളെ അപ്പാടെ തള്ളിക്കൊണ്ട്, ആരോപണം ഉന്നയിച്ചവർക്കെതിരേ കടുത്ത വിമർശനവുമായി സോഷ്യൽ മീഡിയയിൽ ഇന്ന് ഒരു പോസ്റ്റ് വന്നിട്ടുണ്ട്. കടുത്ത രാഹുൽ ആരാധകർ ദിവസങ്ങളായി ഇങ്ങനെ പോസ്റ്റ് ചെയ്യുന്നു എങ്കിലും ഇപ്പോൾ അഡ്വ. ദീപ ജോസഫ് ഫേസ്ബുക്ക് പോസ്റ്റിൽ പറയുന്നത് രാഹുൽ മാങ്കൂട്ടത്തിലുമായി ബന്ധമുണ്ടായിരുന്ന ആ പെൺകുട്ടിയുടെ കുറച്ച് കാര്യങ്ങളാണ്.

രാഹുലിനെതിരെ പറയുന്ന എല്ലാവരെയും രൂക്ഷമായി വിമർശിക്കുന്ന പോസ്റ്റിൽ എതിർ കമന്റുകൾ ഇടുന്നവരെയും ആട്ടിയോടിക്കുകയാണ്. ഇനിയും നല്ലവനായ, മാന്യനായ രാഹുലിനെതിരേ കള്ളക്കഥകൾ പ്രചരിപ്പിച്ചാൽ എല്ലാ സത്യവും പുറത്തുവിടുമെന്നും പരാതിക്കാരുടെ എല്ലാക്കാര്യവും തനിക്ക് അറിയാമെന്നും തെളിവുകൾ തന്‍റെ പക്കലുണ്ടെന്നും ദീപ കുറിപ്പിൽ പറയുന്നു.

നീണ്ടൊരു പോസ്റ്റ് ആയത് കൊണ്ട് കുറച്ച് കാര്യങ്ങൾ മാത്രം നോക്കാം.

ഇനി ഒരു വ്യാജ ഗർഭം, സ്നേഹം, വിവാഹം, കഥകളുമായി ഒരുത്തിയും വരരുത്.. നിന്‍റെ ഒക്കെ ചീഞ്ഞളിഞ്ഞ ജീവിതം കാരണം യഥാർഥ ഇരയ്ക്കു നീതി കിട്ടാതെ പോകുന്നു. അതായത് രാഹുൽ ആണത്രേ ഇവിടെ ഇരയാകുന്നത്.

ഞാൻ ദീപാ ജോസഫ്, ഡൽഹിയിൽനിന്നു കുറിക്കുന്നു. സുപ്രിം കോടതിയിൽ മാത്രമല്ല കേരളത്തിലും പ്രാക്റ്റീസ് ചെയ്യാറുണ്ട്. നിയമം മാത്രമല്ല ജാമിയയിൽനിന്നു പൊളിറ്റിക്കൽ സയൻസിൽ പോസ്റ്റ്‌ ഗ്രേഡ്വേഷനും അതിൽതന്നെ ഗവേഷണവും കഴിഞ്ഞ് അവാർഡ് പ്രതീക്ഷിക്കുന്നു എന്നും ദീപ ജോസഫ് പറയുന്നു.

പിന്നീട് അവർ പറയുന്നത് ഞാൻ കണ്ടു.. ഞാൻ മാത്രമേ കണ്ടുള്ളു എന്ന്. പറഞ്ഞ മാധ്യമ പ്രവർത്തകയെ കുറിച്ചാണ്. തന്‍റെ ഫേസ്ബുക്കിലും വാർത്തകളിലും റേറ്റിംഗ് കൂട്ടാൻ മാത്രമാണ് ആ മാധ്യമ പ്രവർത്തക ശ്രമിക്കുന്നത് എന്നും ഇവർ പറയുന്നു.
സഹോദരി.. ആരെയാണ് നിങ്ങൾ ഇര എന്നു പറയുന്നത്? ഇര എന്നാൽ, എന്താണ് നിങ്ങൾ ഉദ്ദേശിക്കുന്നത്? സത്യത്തിൽ ഇര എന്നാൽ എന്താണെന്നു നിങ്ങൾക്ക് അറിയുമോ? ഒരു യഥാർഥ ഇരയെ നിങ്ങൾ കണ്ടിട്ടുണ്ടോ? എന്നും ദീപ ജോസഫ് ചോദിക്കുന്നു.

പിന്നെ രാഹുൽ മാങ്കൂട്ടത്തിലിന് ഒരു ഉപദേശവും ഉണ്ട്. രാഹുൽ നിന്‍റെ ജീവിതം ഒരു നേതാവിനു യോജിച്ചത് ആയിരുന്നില്ല. ചെറുപ്പക്കാരുടെ ചില്ലറ അസ്കിതകൾ നിന്നെ ബാധിച്ചിരുന്നു എന്നതിന്‍റെ തെളിവാണ് ഇക്കഴിഞ്ഞ നാളിൽ നീ അനുഭവിച്ചത്. ജീവിതത്തെ തിരുത്തുക.. ഒരു നല്ല നേതാവ് ആകുക. അഴകുള്ള ചക്കയിൽ ചുള ഉണ്ടാവില്ല എന്ന് ഏറ്റവും നന്നായി അറിഞ്ഞത് നീയാവും രാഹുൽ. എന്‍റെ ഒരു കുഞ്ഞ് സഹോദരൻ ആ വാനുള്ള പ്രായമേ നിനക്കുള്ളു. അതുകൊണ്ട് ഒരു ഉപദേശമായി കരുതിയാൽ മതി.

ഇനിയും മീഡിയ രാഹുലിനെ പ്രതികൂട്ടിൽ നിർത്തിയാൽ, ഇര എന്നു വിശേഷിപ്പിക്കുന്നവളുടെ മുഴുവൻ ചരിത്രവും എനിക്കു ലോകത്തോടു പറയേണ്ടി വരും എന്നും ദീപ പറയുന്നു. സത്യത്തിൽ അവൾക്കു പരാതി ഇല്ല. ഉണ്ടാവില്ല കാരണം അവൾ വിവാഹിതയാണ്. മാധ്യമ പ്രവർത്തകയായി ഇന്നലെയും ഇന്നും നാളെയും ജോലി ചെയ്യുന്നു.. ചെയ്യും. എന്നും ദീപ ജോസഫ് പറയുന്നു.

അവൾ ഒരു വർഷത്തിൽ ഏറെയായി വിവാഹിതയാണ്.. സത്യത്തിൽ ഇര അവളെ കെട്ടിയ ആ പാവം ചെക്കനാണ്. ഒന്നും ഇല്ലാത്ത ബ്രോക്കൺ ഫാമിലിയിൽനിന്നു ലക്ഷങ്ങൾ മുടക്കി കല്യാണം കഴിച്ചു ചതിക്കപ്പെട്ട ആ പാവം പയ്യനാണ് ഇര. ഫോട്ടോ സഹിതം തെളിവുകൾ ഉണ്ട്. കൂടാതെ ഇവൾ മാർക്സിസ്റ്റ് പാർട്ടിയുമായി യാതൊരു ബന്ധവും ഇല്ലെന്നു മാത്രമല്ല ചാനൽ സ്വന്തമായുള്ള പാർട്ടിയുടെ സ്വന്തം മോളാണ് എന്നും കൂടെ പറയുന്നുണ്ട്.

അമ്പലം വിഴുങ്ങിയ കഥകൾ മൂടി വെയ്ക്കാനും കേരളത്തിൽ നടക്കുന്ന അഴിമതി മൂടി വെക്കാനാണ് സിപിഎം ഇതൊക്കെ ഏറ്റുപിടിക്കുന്നത് എന്നാണ് അഡ്വക്കേറ്റ് ദീപ പറയുന്നത്.
പിന്നീടും ഇവർ എന്തൊക്കെയോ പറയുന്നുണ്ട്. രാഹുൽ കഴിവുള്ളവൻ ആണ്. ഇന്നലെ മുളച്ച തകര പോലും സീൽക്കാരം ഇടുന്നു.. ഇവൾക്കൊക്കെ നാണമില്ലേ? ഇവളും ഭർത്താവുണ്ടായിട്ടും പലരുടെ ഒപ്പം അന്തിയുറങ്ങുന്ന പിൽസ് ഫാക്ടറി ഉടമകൾ ആണോ എന്നു സംശയം തോന്നുന്നു.. പെണ്ണിന്‍റെ മാന്യത അവളുടെ പെരുമാറ്റവും സ്വഭാവവും ആണ്.

ഇത്രയും മോശക്കാരൻ ആയി ചിത്രീകരിക്കുമ്പോളും രാഹുൽ ഒന്നും മറുത്തു പറഞ്ഞില്ല.. അവളെ അപമാനിച്ചില്ല. ഒരു നല്ല പുരുഷന്‍റെ ലക്ഷണം. എംഎൽഎ ആകും മുന്നേ ഉണ്ടായിരുന്ന ഒരു ബന്ധം.. അതിനിടയിൽ അവൾ വിവാഹിതയും. പിന്നെ അവളെ നാണം കെടുത്തണ്ട എന്ന ഒറ്റ കാരണത്താൽ മൗനം ഭജിച്ചു. നന്നായി രാഹുൽ.. ഇങ്ങനെ ആയിരുന്നു ചെയ്യേണ്ടിയിരുന്നത്.

ഇര അല്ല. മഹാ ഫ്രോഡ്… എടി കൊച്ചേ നീ ധൈര്യമായി കേസ് കൊട്.. അതല്ല നിന്‍റെ കള്ളക്കളികൾ ഞാൻ ആയി പരസ്യപ്പെടുത്തണം എന്നാണ് നീ ആഗ്രഹിക്കുന്നതെങ്കിൽ ഞാൻ ഒരുക്കമാണ്. ഇന്നു തന്നെ നിന്‍റെ കൂടെ ജോലി ചെയ്യുന്ന അവളോടും നിനക്കായ്‌ പണി ചെയ്യുന്ന പിആർഒമാരോടും ഇവിടെ വച്ചു ഈ പ്രോഗ്രാം സ്റ്റോപ്പ്‌ ചെയ്യാൻ പറയണം. അല്ലാത്തപക്ഷം എന്നെപോലെ ഉള്ള ഒരുപാടു പേര് നിനക്ക് എതിരെ ചീറ്റിങ്ങിന് കേസ് ഫയൽ ചെയ്യും. കൈയും കാലും കണ്ണും കാണിച്ചു മയക്കിയവൻ എംഎൽഎ ആയപ്പോ അവനെ കുടുക്കാൻ ഗർഭം. എന്നിട്ടും നീ ഒരു വർഷം മുൻപ് വിവാഹിത ആയത് കൊണ്ടു രാഹുൽ നിനക്കെതിരെ ഒന്നും പറയാത്തത് അവന്‍റെ മാന്യത.

അതുകഴിഞ്ഞ് ഇനി ആർക്കെടാ എന്‍റെ ഡിഗ്രിയുടെ ഉറവിടം അറിയേണ്ടത്? എന്നും കൂടെ ദീപ മാഡം ചോദിക്കുന്നുണ്ട്. അങ്ങനെ ഒടുവിൽ ഗർഭകഥ ഇവിടെ അവസാനിക്കുന്നു.
രാഹുൽ തന്‍റെ രാഷ്‌ട്രീയ പ്രവർത്തനം സംശുദ്ധമായി നടത്തണം.. കള്ള കഥകൾ മെനയുന്ന മീഡിയ അതു നിർത്തണം. ഗർഭിണി ഇനി പ്രസവിക്കില്ല കാരണം രാഹുലിനെ നശിപ്പിക്കുക എന്നതു മാത്രമായിരുന്നു അവളുടെയും കൂട്ടാളികളുടെയും ലക്ഷ്യം. ഇനിയും അത് തുടർന്നാൽ ഞാൻ സർവ ഫോട്ടോയും സോഷ്യൽ മീഡിയയിൽ പബ്ലിഷ് ചെയ്യും. കഥകൾ പൊളിക്കും.
ഈ കള്ള ഗർഭകഥ ഇവിടെ അവസാനിക്കുന്നു.. അവസാനിക്കണം. എന്ന് പറഞ്ഞു കൊണ്ടാണ് ആയ പോസ്റ്റ് അവസാനിക്കുന്നത്.

രാഹുൽ മാങ്കൂട്ടത്തിൽ പച്ചവെള്ളം ചവച്ച് കുടിക്കുന്ന ഒരു മാന്യൻ ആണെന്ന് ഈ പോസ്റ്റ് കണ്ടതോടെ മനസ്സിലായി. സിപിഎമ്മോ ബിജെപിയോ അല്ല രാഹുലിനെ കുടുക്കിയത് കോൺഗ്രസ്സുകാർ തന്നെയാണെന്ന ഒരു അറിവും ഇതോടെ കിട്ടി. അതുകൊണ്ട് മഹാനായ ഉമ്മൻ‌ചാണ്ടി ഭരിച്ചിരുന്ന ആ മുഖ്യമന്ത്രി കസേരയിലേക്ക് താമസിയാതെ രാഹുൽ മാങ്കൂട്ടത്തിലിനെ എത്തിക്കാൻ എല്ലാവരും മുന്നിട്ടിറങ്ങുക. ഓടി നടന്ന് പീഡിപ്പിച്ചാലും അത് രാഹുലിനെ പോലെയുള്ള സുന്ദരനായ നേതാവ് ചെയ്യുമ്പോൾ തെറ്റാകുന്നില്ല എന്ന പുതിയ തത്വത്തിൽ അടിയുറച്ച് വിശ്വസിക്കുക. എല്ലാവരും രാഹുലിന് ജയ് വിളിക്കുക.