മഹ്ദി ഇമാം ആണെന്ന് അവകാശപ്പെട്ട് നടന്ന സജിൽ ചെറുപാണക്കാട് അറസ്റ്റിലായി; ദിവ്യഗർഭം ധരിപ്പിക്കാമെന്ന് പറഞ്ഞ് യുവതിയെ ബലാത്സംഗം ചെയ്‌തതാണ് കേസ്

ദിവ്യഗർഭം ധരിപ്പിക്കാമെന്ന് തെറ്റിദ്ധരിപ്പിച്ച് യുവതിയെ ബലാത്സംഗം ചെയ്‌ത വ്യജ സിദ്ധന്‍ അറസ്റ്റിലായി. . താൻ മഹ്ദി ഇമാമാണെന്ന് സ്വയം അവാകശപ്പെടുന്ന സജിൽ ഷറഫുദ്ദീൻ ഉദിരംപൊയിലിനെയാണ് അറസ്റ്റ് ചെയ്‌തത്. കൊളത്തൂർ പൊലീസ് നെടുമങ്ങാട് നിന്നാണ് പ്രതിയെ പിടികൂടിയത്. ഇയാള്‍ മിറാക്കിൾ പാത്ത് എന്ന യൂട്യൂബ് ചാനലിൻറെ ഉടമ കൂടിയാണ്.

ദിവ്യ ഗർഭം ധരിപ്പിക്കാമെന്ന് തെറ്റിദ്ധരിപ്പിച്ച് യുവതിയെ ബലാത്സംഗം ചെയ്‌ത കേസില്‍ ഇയാള്‍ ഒളിവിലായിരുന്നു. ആഭിചാരക്രിയകള്‍ നടത്തി ദിവ്യഗര്‍ഭം ധരിപ്പിക്കാമെന്ന് പറഞ്ഞാണ് പ്രതി യുവതിയെ പരിചയപ്പെടുന്നത്. നിരവധി ആഭിചാരക്രിയകളും അന്ധവിശ്വാസങ്ങളും നിരത്തി ഇയാള്‍ പരാതിക്കാരിയെ വിശ്വസിപ്പിച്ചു. ആഭിചാര ക്രിയ ചെയ്യാനെന്ന വ്യാജ്യേന ഇയാള്‍ പരാതിക്കാരി താമസിക്കുന്ന കോർട്ടേഴ്‌സിലേക്ക് അതിക്രമിച്ച് കയറി. ക്വാർട്ടേഴ്സിലേക്ക് സെപ്റ്റംബർ 20-ന് രാത്രി പതിനൊന്നോടെയാണ് ഇയാൾ അതിക്രമിച്ചു കയറി വായപൊത്തിപ്പിടിച്ച് യുവതിയെ പീഡിപ്പിക്കുകയായിരുന്നു.

പ്രതിയായ സജിൽ കല്‌പകഞ്ചേരി പൊലീസ് സ്റ്റേഷനിൽ രജിസ്റ്റർ ചെയ്‌ത മറ്റൊരു സമാനമായ കേസിലും പ്രതിയാണെന്ന് പൊലീസ് ഉദ്യോഗസ്ഥര്‍ പറയുന്നു. കൽപ്പകഞ്ചേരി സ്റ്റേഷനിൽ രജിസ്റ്റർ ചെയ്‌ത കേസിലെ പരാതിക്കാരിയുടെ അടുത്ത ബന്ധുവിനെയാണ് ഈ വ്യാജ സിദ്ധൻ ബലാത്സംഗം ചെയ്‌തത്.

ആത്മീയ കാര്യങ്ങളിലും അന്ധ വിശ്വാസങ്ങളിലും താൻ മഹ്ദി ഇമാം ആണെന്നും പറഞ്ഞു വിശ്വസിപ്പിച്ചായിരുന്നു പ്രതിയുടെ പല യൂട്യൂബ് വീഡിയോകളും. “മിറാക്കിൾ പാത്ത്” എന്ന യൂട്യൂബ് ചാനലിന് നിരവധി ഫോളോവേഴ്‌സ് ഉണ്ട്.

ലോകാവസാനം ആകുമ്പോൾ ഭൂമിയിൽ ദുഷിപ്പ് കൂടുകയും അന്ധത പരക്കുകയും അജ്ഞത കളിയാടുകയും നേതൃത്വം അന്യായം കയ്യാളുകയും ചെയ്യുമ്പോൾ, പ്രഭാതത്തിലെ സൂര്യോദയത്തെ ഓർമ്മിപ്പിച്ച് കൊണ്ട് ഇമാംമഹ്ദിയുടെ വരവുണ്ടാകും. അദ്ദേഹം ഭൂമിയിൽ നീതിയും ന്യായവും നിറക്കും. ലോകം അതോടെ അനുഗ്രഹീതമായ ഏഴ് വർഷങ്ങൾക്ക് സാക്ഷിയാവും. അഥവാ മഹ്ദി ലോകത്തെ നയിക്കുന്ന ഏഴുവർഷങ്ങൾക്ക് തുടക്കമാകും. അതാകട്ടെ അന്ത്യനാളിന്റെ അടയാളവുമായിരിക്കും. ഇതാണ് ഇമാം മഹ്ദിയെ കുറിച്ചുള്ള മത സങ്കല്പം.

ഈ മഹ്ദി ഇമാം ആണെന്ന് പറയുന്ന ആളിനെയാണ് ഇപ്പോൾ പൊലീസ് തൂക്കിയെടുത്ത് അകത്തിട്ടത്. കൊളത്തൂർ പൊലീസ് സ്റ്റേഷനിൽ കേസ് രജിസ്റ്റർ ചെയ്‌തറിഞ്ഞ് ഒളിവിൽ പോയിരുന്ന പ്രതിക്കെതിരെ കൂടുതൽ പരാതിക്കാർ ഇനി രംഗത്ത് വരാൻ സാധ്യതയുണ്ടെന്നും പൊലീസ് പറയുന്നു.