നിമിഷപ്രിയയുടെ മോചനത്തിനായി ബന്ധപ്പെട്ട് അമ്മ പ്രേമകുമാരി യെമനിലേക്ക് തിരിച്ചു
National Desk
Posted On April 20, 2024
യെമന്‍ പൗരനെ കൊലപ്പെടുത്തിയ കേസില്‍ വധശിക്ഷയ്ക്ക് വിധിക്കപ്പെട്ട് ജയിലില്‍ കഴിയുന്ന നിമിഷപ്രിയയുടെ മോചനത്തിനായി ബന്ധപ്പെട്ട് അമ്മ പ്രേമകുമാരി ഇന്ന് പുലര്‍ച്ചെ യെമനിലേക്ക് തിരിച്ചു.
സേവ് നിമിഷപ്രിയ ഇന്റര്‍നാഷണല്‍ ആക്ഷന്‍ കൗണ്‍സില്‍ അംഗം സാമുവല്‍ ജെറോമും ഒപ്പമുണ്ട്. ഇന്ന് പുലര്‍ച്ചെ കൊച്ചി നെടുമ്ബാശേരി വിമാനത്താവളത്തില്‍ നിന്ന് പുറപ്പെട്ട പ്രേമകുമാരിയും സാമുവല്‍ ജെറോമും മുംബൈ വഴിയാണ് യെമനിലേക്ക് പോകുക.
യെമനില്‍ നിന്ന് കരമാര്‍ഗം സനയിലേക്ക് പോകും. ഞായറാഴ്ചയോ തിങ്കളാഴ്ചയോ ജയിലിലെത്തി നിമിഷപ്രിയയെ കാണാനാണ് തീരുമാനം. യെമന്‍ പൗരന്‍ തലാല്‍ അബ്ദു മഹ്ദി 2017 ല്‍ കൊല്ലപ്പെട്ട കേസിലാണ് വിചാരണ കോടതി നിമിഷപ്രിയയെ വധ ശിക്ഷയ്ക്ക് വിധിച്ചത്. കൊല്ലപ്പെട്ട തലാലിന്റെ കുടുംബത്തിന് ആശ്വാസധനം നല്‍കി വധശിക്ഷ ഒഴിവാക്കാനുള്ള നീക്കത്തിന്റെ ഭാഗമായാണ് പ്രേമകുമാരിയുടെ യാത്ര. ശിക്ഷയില്‍ ഇളവു നല്‍കണമെന്ന നിമിഷപ്രിയയുടെ ആവശ്യം നേരത്തെ യെമന്‍ കോടതി തള്ളിയിരുന്നു.
Trending Now
