വാല്‍പ്പാറയില്‍ കാട്ടാനയുടെ ആക്രമണത്തില്‍ ബ്രിട്ടീഷ് പൗരന് ദാരുണാന്ത്യം

വാല്‍പ്പാറയില്‍ കാട്ടാനയുടെ ആക്രമണത്തില്‍ പരിക്കേറ്റ വിദേശ പൗരന്‍ മരിച്ചു. ബ്രിട്ടീഷ് പൗരനായ മൈക്കിളാണ് മരിച്ചത്. ചൊവ്വാഴ്ച വൈകീട്ട് ബൈക്കില്‍ പോകുകയായിരുന്ന മൈക്കിളിനെ കാട്ടാന ആക്രമിക്കുകയായിരുന്നു. വാല്‍പ്പാറ-പൊള്ളാച്ചി റോഡിലായിരുന്നു സംഭവം.

റോഡില്‍ നിന്ന കാട്ടാനയ്ക്ക് പിന്നിലൂടെ ബൈക്കില്‍ പോകുകയായിരുന്നു മൈക്കിള്‍. ഇതിനിടെ ആന ആക്രമിക്കുകയായിരുന്നു. മൈക്കിള്‍ ബൈക്കില്‍ നിന്ന് വീഴുകയും, പിന്നീട് എഴുന്നേറ്റ് നിൽക്കുകയും ചെയ്തതോടെ വീണ്ടും ആന ആക്രമിക്കുകയുമായിരുന്നു. കാട്ടാന ആക്രമണത്തില്‍ ഗുരുതരമായി പരിക്കേറ്റ മൈക്കിളിനെ ആദ്യം എസ്റ്റേറ്റ് ആശുപത്രിയിലേക്ക് കൊണ്ടുപോയി. പിന്നീട് പൊള്ളാച്ചിയിലെ ആശുപത്രിയിലേക്ക് മാറ്റുകയായിരുന്നു.