വെന്തുരുകി ഉത്തരേന്ത്യൻ സംസ്ഥാനങ്ങള്‍; രാജസ്ഥാനില്‍ 60 മണിക്കൂറിനിടെ 12 പേര്‍ മരിച്ചു

കൊടുംചൂടില്‍ വെന്തുരുകി ഉത്തരേന്ത്യൻ സംസ്ഥാനങ്ങള്‍. രാജസ്ഥാനില്‍ സൂര്യാഘാതത്തെതുടര്‍ന്ന് 60 മണിക്കൂറിനിടെ 12 പേര്‍ മരിച്ചു. ഉഷ്ണതരംഗത്തെ തുടർന്ന് റെഡ് അലര്‍ട്ട് പ്രഖ്യാപിച്ചിട്ടുള്ള സംസ്ഥാനങ്ങളില്‍ ജാഗ്രത വേണമെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ദില്ലി, രാജസ്ഥാന്‍ , പഞ്ചാബ് ഹരിയാന,, മധ്യപ്രദേശ്, യുപി അടക്കമുള്ള സംസ്ഥാനങ്ങള്‍ ചുട്ടുപൊള്ളുകയാണ്. ശരാശരി താപനില 45 ഡിഗ്രിയോടടുത്ത്. രാജസ്ഥാനില്‍ സ്ഥിതി അതീവഗുരുതരം. 51 ഡിഗ്രി വരെ താപനില ഉയരാന്‍ സാധ്യതയുള്ളതിനാല്‍ സംസ്ഥാനത്ത് അതീവ ജാഗ്രത നിര്‍ദേശം നല്‍കി.